2024-12-20
2024-12-13
2024-11-22
EGURALDIA
2024/11/22
Gaur giro hotza eta zaparradak. Goizean ipar-mendebaldeko haizea zakar ibiliko da oraindik eta itsasotik zaparradak sartuko dira, batez ere ipar isurialdean, beraz, eguraldia ezatsegina izango da. Tenperatura ere ez da asko igoko , altuenak 10-14 ºC artekoak izango dira. Arratsaldean haizeak baretzera egingo du eta atertzera joko du, zaparradak goizean baino bakanagoak izango dira. Gauean hodeitza saretu egingo da eta, orduan, tenperatura oso bizkor jaitsiko da. Gauean asko hoztuko du.
2024/11/23
Larunbatean giro argia, hegoaldeko haizea eta tenperatura maximoen igoera. Tenperatura maximoen igoera Kantauri isurialdean nabarituko da batik bat, eta hegoaldeko haize biziak eragingo du. Zeruan erdi mailako hodeiak eta goi-hodeiak agertuko diren arren, ostarte zabalak irekiko dira. Arabako zenbait lekutan eta Nafarroa hegoaldean behe-hodeiak agertuko dira goizean, eta giroa ilunagoa izango da. Goizean goiz hotz egingo du, batez ere barnealdean; ez da baztertzen izotza egitea txokoren batean.
2024/11/24
Iganderako ez dugu aldaketa handirik espero, baina eguna oso haizetsua izango da, bolada oso gogorrekin bai haizeguneetan bai haizeguneak ez diren lekuetan. Tenperaturak igotzen jarraituko du hegoaldeko haize zakarraren ondorioz. Zeruan erdi mailako hodeiak eta goi-hodeiak agertuko dira tarteka, baina giro argiarekin jarraituko dugu. Hegoaldean giro goibelagoa izango da, izan ere behe-lainoa sortuko da eta baliteke berandu arte ez jasotzea eta behe-hodeiak sortzea.
2024-11-15
EGURALDIA
2024/11/15
Ostiralaren hasieran hegoaldean lainoguneak eta behe-hodeiak agertuko dira; goiza aurrera joan ahala garbituz joango da, baina zenbait lekutan kostako zaio jasotzea eta baliteke zerua hodeitsu egotea egun osoa, batez ere Ebro bailaran. Iparraldean giroa eguzkitsua izango da, eguerditik aurrera erdi mailako hodeiak eta goi-hodeiak agertuko diren arren. Hego-haizea ibiliko da, indartsuago. Kantauri isurialdeko tenperatura maximoek gora egingo dute, hegoaldeko altuenetan aldaketa handirik ez, zenbait lekutan jaits daitezke, batez ere lainopean egongo diren tokietan.
2024/11/16
Larunbatean ez da aldaketa handirik espero. Iparraldean giroa eguzkitsua izango da berriro, zerua tarteka hodeitsu egongo den arren, erdi mailako hodeiekin eta goi-hodeiekin, batez ere egunaren erdiko orduetan. Hegoaldean lainoa eta behe-hodeiak agertuko dira egunaren hasieran eta zenbait tokitan iraunkorrak izan daitezke. Hego-haizea ibiliko da eta tenperatura maximoek ildo beretik jarraituko dute. Tenperatura minimoak altuagoak izango dira, baina barnealdeko zenbait tokitan hotza egingo du egunsentian.
2024/11/17
Igandean aldaketak izango dira, batez ere Kantauri isurialdean. Eguna eguzkitsu hasiko da eta behe-lainoarekin, baina goiz partean jasoko du. Goizean, mendebaldetik hasita, hodeiak ugaritu egingo dira eta baliteke zirimiri pixka bat egitea. Goizean haizeak hego-osagaitik mendebaldera egingo du, eta egunaren bigarren partean ipar-mendebaldeko haizea nagusituko da. Tenperatura maximoak ipar isurialdean jaitsi egingo dira pixka bat eta hegoaldean igo.
2024-11-08
EGURALDIA
2024/11/08
Gaur, ostirala, giroa argia izango da, aurreko egunetan baino hodeitza handiagoarekin. Goizean goiz hegoaldean lainoa eta behe-hodeiak agertu dira. Goizak aurrera egin ahala erdi mailako hodeiak eta goi-hodeiak ugarituz joango dira, baina arratsaldean baliteke ostarte zabalak agertzea. Gauen berriro hodeitza handitu egingo da eta ipar partean euri pixka bat egin dezake. Hegoaldeko haizea ibiliko da eta tenperatura maximoetan ez da gorabehera handirik izango, zertxobait jaits daitezke.
2024/11/09
Larunbatean giroa freskoagoa eta goibelagoa izango da. Goizean hodei dezente agertuko dira eta noizean behin euria egingo du, batez ere Kantauri isurialdean, bertan zaparrada mardulagoren bat bota dezake. Arratsaldeak eta gauak aurrera egin ahala atertzera egingo du eta ostarteak irekiko dira. Tenperaturak behera egingo du, garairako ohikoagoak diren balioetara itzuliko da, eta maximoak 16-19ºC-ren bueltan geldituko dira. Ipar-mendebaldeko eta mendebaldeko haizea ibiliko da, goizean kostaldean bizi ibiliko da.
2024/11/10
Igandean giroa goibelagoa izango da. Behe-hodei dezente agertuko dira, batez ere Kantauri isurialdean, bertan motel egongo da eta noizean behin euria egingo du. Goizean hegoaldeko haize suabea ibiliko da eta arratsaldean iparraldera egingo du. Goizean goizeko tenperatura aurrekoa egunetakoa baino hotzagoa izango da, maximoak, aldiz, larunbatekoen antzerakoak izango dira.
.
2024-10-25
EGURALDIA
2024/10/25
Gaur fronte hotz aktibo batek lurraldea zeharkatuko du eta eguraldia goitik behera aldatuko da. Goizean goizetik zerua oso hodeitsu agertuko da eta denean egingo du euria, erruz hainbat lekutan. Ez da baztertzen ekaitzak jo dezakeenik. Arratsaldetik aurrera mendebaldean atertzera egingo du, zaparradak tartekatuagoak izango dira. Ekialdean, aldiz, Nafarroan batez ere, arratsaldean zaparrada-giroak jarraipena izango du. Mendebal/ipar-mendebaldeko haizea ibiliko da, bolada gogorrekin kostaldean, eta tenperatura 20 ºC azpitik geratuko da.
2024/10/26
Larunbatean giro ezegonkorrarekin jarraituko dugu. Goi-geruzan askatutako depresio bat mugituko da penintsularen iparraldetik hegoaldera, eta, horren ondorioz, giroa nahasia izango da. Zaparradak egingo ditu, ugariagoak ipar partean, batez ere ekialdean. Haizearen norabidea aldatuz joango da; tarteka mendebaldekoa izango da, eta arratsaldean iparraldekoa. Tenperatura antzekoa edo zertxobait baxuagoa izango da.
2024/10/27
Igandean giro nahasiarekin jarraituko dugu. Zerua nahiko lainotuta agertuko da eta euria egingo du; noizbehinka gogotik egin dezake euria. Egunaren amaieran aterruneak luzatuz joango dira. Iparraldeko haizearekin tenperaturan ez da gorabehera handirik espero, eta berriz ere 20 ºC azpitik geratuko da.
2024-10-18
EGURALDIA
2024/10/18
Gaur, ostirala, eguraldia egonkortuz joango da. Alabaina, goizean Kantauri isurialdean, eta batez ere Gipuzkoa ipar-ekialdean, Nafarroa ipar partean eta Ipar Euskal Herrian tarteka zaparradak botako ditu; arratsaldean atertuz joango da. Gainerako zonaldeetan, ordea, apenas egingo duen euririk eta ostarte batzuk ere ireki daitezke. Arratsaldeak aurrera egin ahala, fronte bero bati loturiko hodeitza iritsiko zaigu mendebaldetik eta baliteke gauean han-hemenka euri txikia edo zirimiria egitea. Tenperatura maximoak 15-20 ºC artekoak izango dira Mendebal/ipar-mendebaldeko haizea ibiliko da eta goizean zehar baretuz joango da.
2024/10/19
Larunbatean beste pixka bat igoko da tenperatura. Goizaldean eta goizean goiz lainotuta egongo da eta han-hemenka zirimiria egingo du. Gainerako orduetan ostarteak izango dira; hala ere, arratsaldean Kantauri isurialdean noizbehinka zaparradaren bat edo beste sar daiteke itsasaldetik. Hegoaldeko haizea ibiliko da eta arratsaldean mendebal/ipar-mendebaldera egingo du, eta gaualderako ahuldu eta aldakor geldituko da. Tenperatura maximoak 18 eta 22 ºC artekoak izango dira.
2024/10/20
Eguzkitsu eta hego haizearekin tenperaturak nabarmen egingo du gora. Hego-haizea ibiliko da, eta termometroak Kantauri isurialdean 25-26 ºC-ra iritsiko dira, eta gradu batzuk beherago geratuko dira hegoaldean. Goizean zeruan erdi mailako hodei eta goi-hodeiak agertuko dira, baina eguerdirako saretuz joango dira; baliteke barnealdean goizaldean behe-laino batzuk sortzea. Hego haizea mendi gainetan harrotuta ibiliko da.
2024-10-04
2024-05-24
EGURALDIA
2024/05/24
Giroa egonkortu eta tenperaturak gora egingo
du, batez ere barnealdean. Goizean goiz behe-lainoa eta hodeiguneak izango
ditugu, baina poliki-poliki eguzkiak xurgatu egingo ditu, ostarte zabalekin
gelditu arte; baliteke Kantauri isurialdean eguerdi partean hodeigune batzuk
sortzea, batez ere mendi inguruetan, baina ez lukete traba handirik egingo eta
arratsaldean desegiten joango lirateke. Haizea ahul ibiliko goizean, hego ukitu
txiki batekin, eta arratsaldean brisa altxatuko du. Egunsenti hotz baten ostean,
tenperaturak gora egingo du eta maximoak 18-20 ºC ingurukoak izango dira
kostaldean eta 20-23 ºC artekoak gainerako lekuetan.
2024/05/25
Udaberriko giro
dotorea; eguzkitsu egongo da eta tenperaturak nabarmen egingo du gora, batez
ere barnealdean. Egunsentiko behe-lainoak desegin ostean, giro eguzkitsua
gailenduko da; goi-hodeiak saretuta iritsiko dira. Eguzkiak giroa epelduko du
eta maximoak kostaldean 22-23 ºC-ren bueltan geldituko dira, eguerditik aurrera
brisa altxatuko da, eta barnealdean eguneko beroenak 25 ºC-ra gerturatuko dira.
2024/05/26
Igandean fronte txiki batek hodeiak bultzatuko ditu
eta tenperaturak behera egingo du. Goizean haizea ipar-mendebaldetik finkatuko
da eta pixkanaka zerua lainotuz joango da, lehenik kostaldean eta gero hodeiak
barnealdera hedatuz joango dira. Baliteke han-hemenka zirimiria egitea, batez
ere iparraldeko mendi inguruetan eta arratsaldean. Tenperatura maximoak jaitsi
egingo dira eta 20 ºC-ren bueltan geratuko dira lurraldearen zati handi batean,
eta baliteke altuagoak izatea lurraldearen hegoaldean, non ostarteak nagusituko
diren.
2024-05-17
OHARRA
Kaixo, familia!
Udaletik abisua jaso dugu, herriko parkeak oso zikin eta naz-
kagarri gelditzen direla. Sarritan, zabor ontziak hutsik ageri
dira, eta zikinkeria guztia lurrean zehar zabalduta.
Eskolan ere somatu dute jolastokia lehen baino zikinago
egoten dela, batez ere ikasleek hamaiketakoa jan ondoren.
Guraso garen heinean, guri dagokigu gure seme-alabei
transmititzea herritar guztion ardura dela (ume, gazte zein
heldu) herria zaindu eta garbi mantentzea.
Gure seme-alabek espazio komunetan izan beharreko jarre-
ra egokiak barneratzea, gure ardura da. Mesedez, etxeetan
hausnarketa egitera animatzen zaituztegu eta guztion artean
bide garbiago bat egitera animatzen zaituztegu!!
Gure herria zaindu, Abadiño garbi mantendu!!!
2024-04-26
EGURALDIA
2024/04/26
Goizean hego-haizea ibiliko da eta tenperatura maximoak atzo baino bizpahiru gradu altuagoak izango dira. Egunaren hasieran hodeiak eta ostarte txikiak izango dira eta leku gehienetan ateri eutsiko dio. Gero hodeiak nagusituko dira eta zaparradak botako ditu, bereziki arratsaldean; zenbait lekutan trumoi-ekaitzak izan daitezke. Arratsaldean Kantauri isurialdean haizea iparraldera aldatuko da eta tenperaturaren igoera eten egingo du.
BIHAR
2024/04/27
Larunbatean eguraldi nahasiarekin jarraituko dugu. Goizean giroa zertxobait lasaiagoa izango da, ateri eutsiko diolako leku gehienetan eta ostarte batzuk zabalduko direlako, alabaina hegoaldeko haizea harro ibiliko da tarteka, enbarazu eginez. Egunaren bigarren partean zerua hodeitsu egongo da eta zaparrada trumoitsuak botako ditu. Arratsaldean haizea mendebaldera aldatuko da eta gauean aldakor ibiliko da. Ekaitz-guneetan haize-bolada oso gogorrak izan daitezke. Kostaldean tenperatura maximoek gora egingo dute, barnealdean, ordea, ez dira aldatuko edo gutxi jaitsiko di
ETZI
2024/04/28
Igandean ez dugu aldaketa handirik espero. Goizean hodeiak ikusiko dira, baina ostarteak ere bai, eta seguruenik ateri eutsiko dio. Arratsaldean hodeiak ugaritu egingo dira, bero-hodeiak garatuko dira eta zaparradak botako ditu; zaparradak noizbehinka trumoitsuak izan daitezke. Goizean hegoaldeko haize leuna ibiliko da eta arratsaldean iparraldera egingo du. Tenperatura jaitsi egingo da, bereziki minimoak, eta Araban eta Nafarroan izotza egin dezake.
2024-04-19
EGURALDIA
GAUR
2024/04/19
Giro eguzkitsua eta epela eguerdi inguruan. Zerua, orokorrean, hodei gutxirekin egongo da, ipar isurialdean goizean goiz behe-hodeien tarte hodeitsu batzuekin eta egunsentian lainoguneekin barnealdeko bailaretan. Goizean hodeiak desagertu egingo dira eta arratsaldean zerua ia garbi geratuko da. Ekialdeko haizea ibiliko da; arratsaldean ipar-ekialdetik finkatuko da eta tarteka bizi ibiliko da. Tenperatura maximoak igo egingo dira eta 17-20 ºC artekoak izango dira.
BIHAR
2024/04/20
Asteburua giro egonkorrarekin baina freskoarekin hasiko dugu. Egunsentia hotza izango da, izotza egin dezake Araba eta Nafarroako zenbait lekutan, eta lainoguneak ere sor daitezke. Goizean jasotzera egingo du eta gainerako orduetan tarte hodeitsuak eta eguzkitsuak izango ditugu; zenbat eta hegoalderago eta orduan eta garbiago ikusiko da zerua. Haizeak ekialdetik joko du; arratsaldean ipar-ekialdetik finkatu eta indartu egingo da. Tenperatura maximoak jaitsi egingo dira eta 15-18 ºC artekoak izango dira.
ETZI
2024/04/21
Eguraldi egonkor eta eguzkitsuarekin jarraituko dugu, baina tenperaturak jaisten jarraituko du. Balio altuenak 14-15 ºC ingurukoak izango dira eta ipar-ekialdeko haizea indartu egingo da arratsaldean, hotz sentsazioa handituz. Gainerakoan larunbatean bezala jarraituko dugu, egunsentian hotz egingo du eta behe-lainoa sortuko da, eta gainerako orduetan ostarteak izango ditugu. Araba eta Nafarroa zenbait lekutan berriro ere izotza egin dezake.
2024-03-22
EGURALDIA
2024/03/22
Gaur iluntzean euri pixka bat egingo du Kantauri isurialdean. Goizean giro eguzkitsua gailenduko da lurraldearen zati handi batean, itsasertzean eta inguruetan izan ezik, horietan behe-hodeiek estaliko dute zerua. Arratsaldean kostaldeko hodeiak barnealdera zabalduko dira, iluntzean zerua estalita geratuko da. Arratsalde ?gauean, gainera, euri pixka bat egingo du, batez ere ipar isurialdean, hegoaldera nekez iritsiko da euria. Tenperaturak ez da aldaketa handirik izango barnealdean, aldiz, apur bat jaitsiko dira kostaldean. Iparraldeko haizea ibiliko da, arratsaldean bizi.
2024/03/23
Larunbatean atertu eta argitzera egingo du. Goizaldean eta goizeko lehen orduetan zerua estalita egongo da eta euria egingo du, batez ere ipar isurialdean. Eguerdi aldera, hodeitza pixkanaka saretzen hasiko da eta atertu egingo du. Arratsaldean ostarte zabalak irekiko dira edonon. Iparraldeko haizea ibiliko da eta tenperatura maximoak asko jaitsiko dira, batez ere barnealdean. Tenperatura minimoak egunaren amaieran neurtuko dira eta orduan hotz egingo du.
2024/03/24
ETZI
Igandean giro eguzkitsua. Tenperatura maximoak gradu pare bat igoko dira eta zeruan urdingune zabalak ikusiko ditugu, batez ere egunaren erdialdeko orduetan. Goizean goiz eta egunaren amaieran behe-hodeiak izango ditugu ipar isurialdean eta egunsentian behe-lainoa sor daiteke bailara batzuetan. Goizaldean hotza izango da, batez ere barnealdean, eta izotza egingo du Araba eta Nafarroako zenbait lekutan. Haizeak iparraldetik eta ipar-ekialdetik joko du.
2024-03-15
EGURALDIA
2024/03/15
Ostiralean, hodeiak eta ostarteak tartekatuko dira eta tenperatura apur bat jaitsiko da. Goizean goiz eta arratsaldean, giroa goibelagoa izango da eta baliteke han-hemenka euri apur bat egitea; hala ere, egunaren zatirik handiena ateri egongo da eta tarteka urdingune politak zabalduko dira. Haizea hegoaldetik sartuko da hasieran, baina eguerdi partean iparraldera egingo duenez, eguneko tenperaturak apur bat egingo du behera. Hala ere, giroa goxoa izango da.
2024/03/16
BIHAR
2024/03/16
Larunbata eguzkitsu dator eta tenperaturak gora egingo du, balio altuenak 20-23 ºC-koak izango dira. Goizean zerua oskarbi agertuko da, arratsaldean berriz, goi-hodei fin batzuk agertuko dira, baina zeruari zurixka kolorea baino ez diote emango. Hegoaldeko haizea ibiliko da eta kostaldean baliteke brisa altxatzea arratsaldean. Goizean goiz, behe-lainoa sor daiteke ohiko bailaretan, bereziki Araban.
2024/03/17
ETZI
Udaberri itxurako giroak jarraipena izango du igandean. Zerua larunbatean baino lainotuago egongo da, baina iritsiko diren hodeiak erdi-mailakoak eta goi-hodeiak izango direnez, ez dute garrantzizko ondoriorik ekarriko eta giroa argia izango da. Haizea hego-mendebaldetik sartuko da hasieran eta arratsaldean brisa altxatuko da. Tenperaturan ez dugu aldaketarik espero, epeletik jarraituko du.
2024-03-01
Suscribirse a:
Entradas (Atom)