2019-09-24

Greta Thunberg Klimari buruzko goi-bileran

IRAILAREN 27KO KLIMAREN ALDEKO MUNDU-GREBA AGIRIA

Ekoizpen- eta kontsumo-eredu hegemonikoen ondoriozko krisi ekosozialak eta klimatikoak, zeina erregai fosilen eta kontsumo globalizatuaren erabileran oinarritzen den, arriskuan jartzen du planetako bizitza. Egoera larriaren aurrean, hainbat hiri eta herrik Klimaren aldeko Munduko Grebarekin lotutako ekitaldiak antolatuko dituzte datorren irailaren 27an. Fridays for Future mugimenduak egin du grebarako deia. Data hori NBEren 2019rako Ekintza Klimatikoen markoan kokatzen da, baita mundu-mailan irailaren 20tik 27ra egingo diren mobilizazioetan ere.
Deialdian 300 erakunde baino gehiago bildu dira, eta manifestu bat sinatu dute etorkizuna, planeta bizia eta mundu justua babesteko. Erakunde horiek eskatu dute berehala deklaratu dadila larrialdi klimatikoa, eta neurriak har daitezela berotegi-efektuko gasak erabat murrizteko. Horrez gain, eredu sozioekologiko berri bat ere eskatu dute, bizitzaren biziraupena arriskuan jarriko ez duena.
Ikasle-, kontsumo- eta lan-greba da, eta azken hilabeteetan mobilizazio hauen buru izan diren ekologisten eta ikasleen erakundeek daukate protagonismoa. Greba orokorrerako deialdiak eta egingo diren mobilizazioei emandako babesak deialdia lan-mundura zabaltzea bilatzen du.
Klimaren aldeko mundu-greba guztiz beharrezkotzat jotzen dugu, eta bereziki pozten gaitu gazteak izatea etorkizun hobea defendatzera atera direnak. Instituzio publikoak momentuak eskatzen duen mailara egon behar dira. Horregatik, gai hauetan konpromiso osoa exijitzen diegu:

• EGIA. Egoeraren larritasuna onartzea, eta komunitate zientifikoaren diagnostikoa eta aholkuak bere gain hartzea.

• EKINTZA. Naturarekiko kontsumo-ohitura arduratsuak eta errespetuzkoak lortzeko neurri zehatzak hartzea, erregai fosilak alboratuz, mugitzeko beharra murriztuz, etab.

• ELKARTASUNA. Langile kaltetuei sektore jasangarrietan lanpostuak ziurtatzea, krisi energetikoari aurre egitea, lanaldia murriztea eta enplegua hobeto banatzea. Trantsizio ekologikoa justizia sozialetik egin behar da, inor atzean utzi gabe.

• DEMOKRAZIA. Trantsizioa era justuan, demokratikoan eta jasangarrian egitea.

Etorkizunaren, planeta bizi eta mundu justu baten defentsan, klimaren aldeko mundu-grebarekin bat egiten dugu eta herritarrak eta beste eragile sozialak irailaren 27ko ikasle-, kontsumoeta lan-grebarekin eta egingo diren mobilizazioekin bat egitera gonbidatzen ditugu.




LARRIALDI KLIMATIKOA

Irailaren 27an aldaketa klimatikoaren aurkako greba orokorra antolatu dute mundu mailan. Bi aldarrikapen nagusi jaso ditu: berotegi efektua eragiten duten gasen emisioa etetea eta klima larrialdi egoera adieraztea.



“Etorkizunaren, planeta bizi baten eta mundu justu baten alde” antolatu dute greba eragileek. Herritarrak eta eragileak deialdiarekin bat egitera gonbidatu dituzte. “Ikasle greba, kontsumo greba, kaleetan eta lantokietan mobilizazioak” eta bestelako ekimenak aurreikusten dituzte irailaren 27ko greba orokorrerako.

2019-09-12

AGENDA 21 LEHIAKETA

2019-20 ikasturtean Agenda 21 batzordean jorratuko dugun gaia asmatuz gero..... OPARITXO JASANGARRI BAT IRABAZIKO DUZU!!
Parte hartzeko, gaia eta zure izen-abizenak idatz itzazu sarrera nagusiko txoko berdean  eta hilabete bukaeran irabazlearen berri emango dugu.


Animatu eta soooooooorte on!!!

URRIAK 2, EGUAZTENA: ESKERRIKASKO PARTE HARTU DUZUEN GUZTIOI!!!
BATZORDEKO IKASKIDEEK JAKINARAZIKO DIZUETE NOR IZAN DEN IRABAZLEA!!!