2024-04-26
EGURALDIA
2024/04/26
Goizean hego-haizea ibiliko da eta tenperatura maximoak atzo baino bizpahiru gradu altuagoak izango dira. Egunaren hasieran hodeiak eta ostarte txikiak izango dira eta leku gehienetan ateri eutsiko dio. Gero hodeiak nagusituko dira eta zaparradak botako ditu, bereziki arratsaldean; zenbait lekutan trumoi-ekaitzak izan daitezke. Arratsaldean Kantauri isurialdean haizea iparraldera aldatuko da eta tenperaturaren igoera eten egingo du.
BIHAR
2024/04/27
Larunbatean eguraldi nahasiarekin jarraituko dugu. Goizean giroa zertxobait lasaiagoa izango da, ateri eutsiko diolako leku gehienetan eta ostarte batzuk zabalduko direlako, alabaina hegoaldeko haizea harro ibiliko da tarteka, enbarazu eginez. Egunaren bigarren partean zerua hodeitsu egongo da eta zaparrada trumoitsuak botako ditu. Arratsaldean haizea mendebaldera aldatuko da eta gauean aldakor ibiliko da. Ekaitz-guneetan haize-bolada oso gogorrak izan daitezke. Kostaldean tenperatura maximoek gora egingo dute, barnealdean, ordea, ez dira aldatuko edo gutxi jaitsiko di
ETZI
2024/04/28
Igandean ez dugu aldaketa handirik espero. Goizean hodeiak ikusiko dira, baina ostarteak ere bai, eta seguruenik ateri eutsiko dio. Arratsaldean hodeiak ugaritu egingo dira, bero-hodeiak garatuko dira eta zaparradak botako ditu; zaparradak noizbehinka trumoitsuak izan daitezke. Goizean hegoaldeko haize leuna ibiliko da eta arratsaldean iparraldera egingo du. Tenperatura jaitsi egingo da, bereziki minimoak, eta Araban eta Nafarroan izotza egin dezake.
2024-04-19
EGURALDIA
GAUR
2024/04/19
Giro eguzkitsua eta epela eguerdi inguruan. Zerua, orokorrean, hodei gutxirekin egongo da, ipar isurialdean goizean goiz behe-hodeien tarte hodeitsu batzuekin eta egunsentian lainoguneekin barnealdeko bailaretan. Goizean hodeiak desagertu egingo dira eta arratsaldean zerua ia garbi geratuko da. Ekialdeko haizea ibiliko da; arratsaldean ipar-ekialdetik finkatuko da eta tarteka bizi ibiliko da. Tenperatura maximoak igo egingo dira eta 17-20 ºC artekoak izango dira.
BIHAR
2024/04/20
Asteburua giro egonkorrarekin baina freskoarekin hasiko dugu. Egunsentia hotza izango da, izotza egin dezake Araba eta Nafarroako zenbait lekutan, eta lainoguneak ere sor daitezke. Goizean jasotzera egingo du eta gainerako orduetan tarte hodeitsuak eta eguzkitsuak izango ditugu; zenbat eta hegoalderago eta orduan eta garbiago ikusiko da zerua. Haizeak ekialdetik joko du; arratsaldean ipar-ekialdetik finkatu eta indartu egingo da. Tenperatura maximoak jaitsi egingo dira eta 15-18 ºC artekoak izango dira.
ETZI
2024/04/21
Eguraldi egonkor eta eguzkitsuarekin jarraituko dugu, baina tenperaturak jaisten jarraituko du. Balio altuenak 14-15 ºC ingurukoak izango dira eta ipar-ekialdeko haizea indartu egingo da arratsaldean, hotz sentsazioa handituz. Gainerakoan larunbatean bezala jarraituko dugu, egunsentian hotz egingo du eta behe-lainoa sortuko da, eta gainerako orduetan ostarteak izango ditugu. Araba eta Nafarroa zenbait lekutan berriro ere izotza egin dezake.
2024-03-22
EGURALDIA
2024/03/22
Gaur iluntzean euri pixka bat egingo du Kantauri isurialdean. Goizean giro eguzkitsua gailenduko da lurraldearen zati handi batean, itsasertzean eta inguruetan izan ezik, horietan behe-hodeiek estaliko dute zerua. Arratsaldean kostaldeko hodeiak barnealdera zabalduko dira, iluntzean zerua estalita geratuko da. Arratsalde ?gauean, gainera, euri pixka bat egingo du, batez ere ipar isurialdean, hegoaldera nekez iritsiko da euria. Tenperaturak ez da aldaketa handirik izango barnealdean, aldiz, apur bat jaitsiko dira kostaldean. Iparraldeko haizea ibiliko da, arratsaldean bizi.
2024/03/23
Larunbatean atertu eta argitzera egingo du. Goizaldean eta goizeko lehen orduetan zerua estalita egongo da eta euria egingo du, batez ere ipar isurialdean. Eguerdi aldera, hodeitza pixkanaka saretzen hasiko da eta atertu egingo du. Arratsaldean ostarte zabalak irekiko dira edonon. Iparraldeko haizea ibiliko da eta tenperatura maximoak asko jaitsiko dira, batez ere barnealdean. Tenperatura minimoak egunaren amaieran neurtuko dira eta orduan hotz egingo du.
2024/03/24
ETZI
Igandean giro eguzkitsua. Tenperatura maximoak gradu pare bat igoko dira eta zeruan urdingune zabalak ikusiko ditugu, batez ere egunaren erdialdeko orduetan. Goizean goiz eta egunaren amaieran behe-hodeiak izango ditugu ipar isurialdean eta egunsentian behe-lainoa sor daiteke bailara batzuetan. Goizaldean hotza izango da, batez ere barnealdean, eta izotza egingo du Araba eta Nafarroako zenbait lekutan. Haizeak iparraldetik eta ipar-ekialdetik joko du.
2024-03-15
EGURALDIA
2024/03/15
Ostiralean, hodeiak eta ostarteak tartekatuko dira eta tenperatura apur bat jaitsiko da. Goizean goiz eta arratsaldean, giroa goibelagoa izango da eta baliteke han-hemenka euri apur bat egitea; hala ere, egunaren zatirik handiena ateri egongo da eta tarteka urdingune politak zabalduko dira. Haizea hegoaldetik sartuko da hasieran, baina eguerdi partean iparraldera egingo duenez, eguneko tenperaturak apur bat egingo du behera. Hala ere, giroa goxoa izango da.
2024/03/16
BIHAR
2024/03/16
Larunbata eguzkitsu dator eta tenperaturak gora egingo du, balio altuenak 20-23 ºC-koak izango dira. Goizean zerua oskarbi agertuko da, arratsaldean berriz, goi-hodei fin batzuk agertuko dira, baina zeruari zurixka kolorea baino ez diote emango. Hegoaldeko haizea ibiliko da eta kostaldean baliteke brisa altxatzea arratsaldean. Goizean goiz, behe-lainoa sor daiteke ohiko bailaretan, bereziki Araban.
2024/03/17
ETZI
Udaberri itxurako giroak jarraipena izango du igandean. Zerua larunbatean baino lainotuago egongo da, baina iritsiko diren hodeiak erdi-mailakoak eta goi-hodeiak izango direnez, ez dute garrantzizko ondoriorik ekarriko eta giroa argia izango da. Haizea hego-mendebaldetik sartuko da hasieran eta arratsaldean brisa altxatuko da. Tenperaturan ez dugu aldaketarik espero, epeletik jarraituko du.
2024-03-01
EGURALDIA
2024/03/01
Gaur eguraldia atzo baino lasaiagoa izango da. Goizean ostarteak irekiko dira eta arratsaldean pixkanaka hodeiak ugaritu egingo dira. Gauean euri pixka bat egin dezake, bereziki kostaldean. Elur-kota 1300-1500 m-ra igoko da. Mendebal-osagaiko haizea ibiliko da, eta goizean hego-mendebaldekoa nagusituko da. Tenperatura maximoetan ez da aldaketarik izango.
2024/03/02
Larunbatean goizean fronte bat hurbilduko da eta eguraldia ezegonkortu egingo da. Goizaldean eta goizean goiz hego-mendebaldeko haizeak gogor joko du eta ateri egongo da. Alabaina, goizak aurrera egin ahala lainotzera egingo du, haizeak ipar-mendebaldera egingo du indarrez eta euria egingo du, iparraldean hasi eta hegoaldera zabalduko da giro bustia. Zaparradak sarri botako ditu, batez ere Kantauri isurialdean eta iluntzean, eta baliteke tarteka trumoiak jo eta txingor zaparradak botatzea. Arratsaldean elur-kota jaitsi egingo da eta egunaren amaieran 600-800 m-ra egon daiteke. Arratsaldean tenperatura nabarmen jaitsiko da.
2024/03/03
Igandean euria eta giro nahasia izango ditugu goizean, baina arratsaldean egoera nabarmen baretuko da. Goizean zerua oso hodeitsu egongo da eta zaparradak botako ditu, baliteke trumoitsuak izatea goizaldean, batez ere Kantauri isurialdean. Arratsaldean atertzera egingo du eta ostarteak irekiko dira. Haizeak mendebaldetik edo ipar-mendebaldetik joko du, nahiko zakar haizeguneetan, baina gauean baretu eta hego-mendebaldera egingo du. Elur-kota igo egingo da: goizaldean 500-600 m-ra egongo da eta arratsaldean 1500 m-tik gora. Tenperatura maximoak apur bat jaitsiko dira.
2024-02-29
2024-02-23
EGURALDIA
2024/02/23
Goizean zaparradak tartekatuagoak eta ahulagoak izango dira eta Kantauri isurialdera mugatuko dira, bereziki kostaldera. Alabaina, arratsaldean, zaparradak ugaritu eta barnealdera zabalduz joango dira; Kantauri isurialdean ekaitzak jo dezake, txingorrarekin batera. Mendebaldeko haizea ibiliko da, kostaldean indartsu ibiliko da, eta Ebro ibarrean ere bizi ibiliko da. Tenperatura asko jaitsiko da eta elur-kota 800 metro inguruan egongo da.
2024/02/24
Negu giroa. Zaparradak edonon eta edonoiz bota ditzake, baina ugariagoak eta mardulagoak izango dira egunaren lehenengo zatian eta Kantauri isurialdean, eta orduan baliteke ekaitzak jo eta txingorra botatzea; Araba eta Nafarroan Iruñerritik behera, zaparradak tartekatuagoak eta ahulagoak izango dira. Mendebaldeko haizea ibiliko da eta kostaldean indartsu ibiliko da. Tenperaturak behera egingo du eta elur-kota goizean 700 m-ren bueltan kokatuko da, baina arratsaldean igotzen joango da, 1000 m-ren bueltan kokatu arte
2024/02/25
Haizeak gogor joko du. Litekeena da beste depresiogune bat gerturatzea Kantauri itsasora eta horrek hego-mendebaldeko haize gogorra eragingo luke eta borraska horri loturiko fronteek ere euria utziko lukete. Hego haizearekin tenperatura maximoek gora egingo dute, batez ere Kantauri isurialdean. Ondorioz, arratsalderako elur-kota 1000 m-tik 1500 m-ra igoko da. Hego-mendebaldeko haizea gauean ipar-mendebaldera aldatu liteke..
2024-02-21
2024-02-02
EGURALDIA
2024/02/02
Lainotuta, batez ere ipar partean, eta tenperatura pixka bat gehiago jaitsiko da. Tenperatura maximoak, orokorrean, 10 eta 14 ºC artekoak izango dira. Zerua lainotuta egongo da eta noizbehinka zirimiria edo euri pixka bat egingo du, batez ere goiz partean eta Kantauri isurialdean; arratsaldeak aurrera egin ahala, hodeitza saretuz joango da. Nafarroa hegoaldean, berriz, giroa argiagoa izango da. Iparraldeko haizea ibiliko da eta Ebro ibarrean ziertzoa bizi-bizi ibiliko da.
2024/02/03
Ostarte zabalak. Hodei hondarrekin eta behe-lainoekin hasiko dugu eguna, batez ere Kantauri isurialdean, baina goizean zehar hodeitza desegin eta eguerdi partean giro eguzkitsua nagusituko da; baliteke kostaldean hodeigune batzuk agertzea. Haizea ahul ibiliko da, kostaldean ekialdekoa nagusituko da eta barnealdean aldakor ibiliko da. Tenperatura maximoak barnealdean igo egingo dira eta kostaldean ostiraleko maila berdintsuan geldituko dira. Tenperatura minimoak, berriz, jaitsi egingo dira.
2024/02/04
Giro argia eta egonkorra. Kantauri isurialdean egunsentiko behe-lainoen ostean, hodeiak eta urdinguneak tartekatuko dira, eta baliteke kostaldean momentu batzuetan zerua lainotuago egotea. Hegoaldean, berriz, egunsentiko behe-lainoak desegin ostean, eguzkitsu geldituko da. Tenperatura maximoak berdintsu geldituko dira. Minimoak, aldiz, jaitsi egingo dira eta Araba eta Nafarroako hainbat lekutan izotza egingo du. Haizea ahul eta aldakor ibiliko da eta kostaldean eki ukitua izango du.
2024-02-01
2024-01-26
EGURALDIA
2024/01/26
Gaur giro eguzkitsua izango dugu berriz ere. Eguerdi inguruan haizea iparraldetik finkatuko da eta maximoak 16-17 ºC-ren bueltan geratuko dira leku gehienenetan. Goizean goiz lainoguneak izango dira barnealdean eta ondoren erdi mailako hodei eta goi-hodeiak izango dira; kostaldean ere, iparraldeko haizearekin, lanbroa sar liteke. Edozein kasutan, giro argia izango da nagusi, batez ere goizean eta eguerdi inguruan.
2024/01/27
Larunbatean haizea hegoaldetik finkatuz joango da. Horren ondorioz, Kantauri isurialdean tenperatura igo egingo da eta 20 ºC-ra iritsiko da. Mediterraneo isurialdean, aldiz, tenperatura maximoak ez dira askorik aldatuko, eta 15-17 ºC artean geratuko dira. Giro eguzkitsua gailenduko da berriz ere, zeruan erdi mailako hodei eta goi-hodei batzuekin. Eguneko lehen orduetan barnealdeko hainbat bailaratan lainoa sortuko da, Ebro ibarrean trinkoa eta iraunkorra izateko probabilitatea handiagoa izango delarik.
2024/01/28
Igandean ildo beretik jarraituko dugu. Hegoaldeko haizea ibiliko da, tarteka zakar, bereziki mendi inguruetan. Tenperatura maximoak ez dira askorik aldatuko, baina Kantauri isurialdean, hego-haizearen eraginez, tenperatura minimoak igo egingo dira. Ebro ibarrean lainoa sor daiteke eta zeruan erdi mailako hodei eta goi-hodei batzuk agertu arren, eguzkitsu egongo da.a.
2024-01-19
EGURALDIA
2024/01/19
Gaurko tenperatura maximoak atzokoak baino 10 ºC baxuagoak izango da. Goizean goiz hodei ugari izango dugu eta ez da baztertzen Araba hegoaldean eta Ebro ibarrean zertxobait prezipitatzea. Arratsaldean hodeiak gutxitu egingo dira eta gauean zerua garbi geratuko da. Ipar-ekialdeko haizea ibiliko da, bolada gogorrekin haizeguneetan. Tenperatura maximoak ez dira 4-6 ºC-tik pasatuko barnealdean eta 9-10 ºC-tik kostaldean. Azken orduetan izotza egingo du barnealdean.
2024/01/20
Larunbatean giro eguzkitsua, baina izotzak zurituta esnatuko da eguna leku askotan. Goizaldean behe-hodei batzuk ikus ditzakegu eta gauean goi-hodei batzuk, baina orokorrean zerua nahiko garbi egongo da. Barnealdeko bailara batzuetan lainoa sor daiteke. Hego-ekialdeko haize suabea ibiliko da. Tenperatura minimoak -2 ºC-tik behera jaitsiko dira barnealdeko leku askotan eta kostaldean 0-3 ºC artekoak izango dira; Gipuzkoa eta Lapurdiko kostaldeko zenbait lekutan ere izotz egingo du. Tenperatura maximoak, ordea, pare bat gradu igoko dira.
2024/01/21
Igandean giro eguzkitsuarekin jarraituko dugu eta tenperatura maximoak igo egingo dira. Zerua hodei gutxirekin egongo da, giro eguzkitsua nagusituko da. Arratsaldean eta gauean erdi mailako hodeiak eta goi-hodeiak ugaritu egingo dira. Hegoaldeko haize ahul-bizia ibiliko da. Tenperatura maximoak igo egingo dira, ipar partean bereziki. Minimoak hotzak izango dira eta barnealdean izotza botako du.
2024-01-12
EGURALDIA
2024/01/12
Eguna behe-hodeiekin eta lainoarekin hasiko dugu. Goizean hodeitza desagertzen joango da eta eguerdian eguzkitsu egongo da. Arratsaldean erdi mailako hodeiak eta goi-hodeiak ugaritu egingo dira, baina gainerako ondoriorik gabe. Egunaren hasieran eta amaieran hotza egingo du, maximoak, aldiz, aurreko egunetakoak baino epelagoak izango dira, Kantauri isurialdeko zenbait tokitan 10 ºC-tik gorakoak. Hegoaldeko haizea ibiliko da.
2024/01/13
Larunbatean hegoaldean zerua hodeitsuago egongo da, baina erdi mailako hodeiak eta goi-hodeiak nagusi izango direnez, ateri eutsiko dio. Kostaldean eguzkiak jaun eta jabe izaten jarraituko du. Hego-haizea ibiliko da, biziago. Tenperatura minimoet a iritsiko dira. an aldaketarik ez; egunsentian hotza egingo du. Tenperatura maximoak igo egingo dira eta kostalde inguruan 15 ºC-ra iritsiko dira.
2024/01/14
Igandean lainotzera egingo du, une batzuetan zerua estalita ikusiko dugu. Euria, baina, urria izango da eta probabilitate handiagoarekin egingo du egunaren bigarren partean. Hegoaldeko haizea ibiliko da eta giroa zertxobait epelagoa izango da, batez ere minimoei dagokienez, eta izotza egitea zailagoa izango da.
Suscribirse a:
Entradas (Atom)