2023-05-26
2023-05-19
EGURALDIA
2023/05/19
Giro ezegonkorragoa. Zaparrada batzuk botako ditu han-hemenka, batez ere egunaren lehenengo zatian eta ondoren gauean. Arratsaldean euria egiteko probabilitatea txikiagoa izango da eta hodeitza zertxobait zulatuago egon daiteke. Hegoaldean, berriz, giroa argiagoa izango da eta giro lehorrak jarraipena izango du. Iparraldeko haizeak zakar joko du, batez ere arratsaldean hotz sentsazioa areagotuz. Tenperaturari dagokionez, gorabehera handirik ez, oro har, 15 eta 18 ºC artean mugituko dira.
2023/05/20
Giro nahasia, zaparrada batzuekin. Han-hemenka zaparrada batzuk botako ditu, bereziki Kantauri isurialdean eta egunaren lehenengo partean, eta baliteke goizaldean eta goizean goiz zaparrada hauek mardulagoak izatea. Hegoaldean, berriz, hodeitza zulatuago egongo da eta apenas tantarik botako duen. Haizea ipar-mendebaldetik ibiliko da eta enbarazu egiten jarraituko du, bereziki Ebro ibarrean. Tenperaturan ez da aldaketarik espero.
2023/05/21
Igandean goi-geruzetako ezegonkortasunari loturiko zaparradekin jarraituko dugu. Zeruan hodeiak gailenduko dira eta noizbehinka zaparrada batzuk bota ditzake, egunaren lehenengo partean batez ere Kantauri isurialdean. Arratsaldean euria barnealdera zabaldu liteke. Ipar-mendebaldeko haizea ibiliko da, haizeguneetan biziago, eta tenperaturak berdintsu jarraituko du.
2023-05-12
EGURALDIA
2023/05/12
Zaparradek jarraipena izango dute eta tenperatura apur bat jaitsiko da. Goizean zaparradak sarriago botako ditu eta mardulagoak izango dira eta batez ere Kantauri isurialdean botako baditu ere, Araba eta Nafarroa erdialdera ere iritsiko dira, baina tartekatuagoak eta ahulagoak izango dira. Ipar-mendebaldeko haizea eta giroa freskoa izango da; maximoak 12-16 ºC artekoak izango dira.
2023/05/13
Larunbatean zaparradak tartekatuagoak izango dira. Iparraldeko haizearekin itsasotik zaparradak sartuz jarraituko duten arren eta lurraldearen ipar-ekialdean tarteka mardul bota badezake ere, batez ere Nafarroa ipar partean eta Lapurdin, oro har, euririk gabeko tarteak aurreko egunekoak baino luzeagoak izango dira; hegoaldera apenas iritsiko den tantarik. Haizea momentu batzuetan bizi xamar ibiliko da eta tenperaturan ez da gora-behera handirik espero.
2023/05/14
Igandean euri batez ere egunaren lehen partean egingo du. Aurreko egunetan bezala hodeigune trinkoak sartuko dira itsasaldetik eta zaparradak botako ditu tarteka, batez ere Kantauri isurialdean. Arratsaldean zaparradak bakanagoak izango dira, aterruneak luzatu egingo dira. Haizeak ipar-mendebaldetik joko du, baina baliteke tenperatura maximoak apur bat igotzea.
2023-05-11
Zelaieta telebistako 93. saioa
Zelaieta telebistako 93. saioa
Aldaketa bat egin dogu, atzo ipini genuen bideoan Basondoko 2. ziklokoen argazkiak ipintzea ahaztu zitzaizkigun. 😂
2023-05-05
EGURALDIA
GAUR
2023/05/05
Giro lehor eta eguzkitsuarekin jarraituko dugu, eta tenperaturan ere ez da aldaketa handirik espero. Goizean goiz lanbroa ager daiteke zenbait txokotan, baina gainerako orduetan zerua nahiko garbi egongo da, goi-hodei eta erdi mailako hodei batzuekin. Goizean haizea ahul ibiliko da, norabide finkorik gabe, eta arratsaldean brisa sartuko da kostaldean. Arratsaldean ipar-ekialdeko haizea indartu egingo da barnealdean, bolada gogor batzuekin. Tenperatura maximoei dagokienez, aldaketa gutxi, 25 ºC ingurukoak izango dira berriro ere.
BIHAR
2023/05/06
Larunbat arratsaldean ezegonkortzera egingo du. Goizean oraindik ere ostarteak gailenduko dira; lehen orduetan lanbroa ager daiteke eta erdi mailako hodei eta goi-hodei batzuk ere izango dira. Arratsaldean, berriz, bero-hodeiak garatuko dira eta era irregularrean zaparrada batzuk botako ditu; ekaitzak ere jo dezake. Arratsaldean ipar-mendebaldeko haizea ibiliko da, kostaldean bizi samar. Tenperatura zertxobait jaitsiko da.
ETZI
2023/05/07
Igandean hodei ugari pilatuko da ipar isurialdean eta euri txikia egingo du, batez ere Kantauri isurialdean; arratsaldean, ordea, atertzera egingo du. Hegoaldean zailagoa izango da euria egitea, baina hodei ugari izango da. Arratsaldean, alabaina, ostarteak irekiko dira. Iparraldeko haizea ibiliko da, zakar samar Ebro ibarrean, eta tenperatura dezente jaitsiko da; eskualde gehienetan balio altuenak 20 ºC ingurukoak izango dira.
Suscribirse a:
Entradas (Atom)