2023-03-24
EGURALDIA
EGURALDIA
2023/03/24
Gaur euri apur bat egingo du eta giro freskoagoa izango dugu. Zerua lainotuta egongo da, ipar partean bereziki eta goizean zehar euri apur bat egingo du. Arratsaldean euri kontuak alde batera utziko ditugu eta hodeiak gutxitzen joango dira. Mendebal/ipar-mendebaldeko haizea ibiliko da eta tenperatura jaitsiko da, arratsaldearen hasieran kostaldean 18 ºC-ren bueltan ibiliko da eta 14-16 ºC inguruan barnealdean.
EGURALDIA
2023/03/25
Larunbatean eguraldiak argitzera eta epeltzera egingo du. Goizaldean eta goizean goiz zerua tarteka hodeitsu egongo da leku askotan. Goizak aurrera egin ahala ostarteak nagusitzen joango dira eta egunaren erdialdeko orduetan eta arratsaldean tarteka eguzkitsu egongo da. Ilunabarrean berriro ere hodeiak ugaritzen joango dira eta egunaren amaieran euria egin dezake ipar partean. Hegoaldeko haizea ibiliko da, gauean hego-mendebaldetik finkatuko da eta indarra hartuko du. Eguneko tenperaturak gora egingo du.
EGURALDIA
2023/03/26
Igandean giro motela izango dugu eta noizean behin euria egingo du. Zerua lainotuta egongo da eta tarteka zaparradak botako ditu, bereziki goizaldean eta gauean. Egunaren erdiko orduetan hodeitza ez da horren trinkoa izango eta litekeena da ateri eustea. Haizea mendebal/ipar-mendebaldetik sartuko da eta tarteka harro ibiliko da, bereziki kostaldean; bertan arratsaldean eta gauean haize-boladak gogorrak izango dira. Eguneko tenperaturak nabarmen egingo du behera
2023-03-17
2023-03-03
2023/03/03
Gaur beste egun batez hodei ugari izango da. Noizbehinka euri apur bat egin dezake, batez ere Kantauri isurialdean; bertan hodeitza hegoaldean baino trinkoagoa izango da, baina arratsalde-gauean ostarteak ager daitezke. Nafarroan, bereziki ekialdean, hodeiak urdinguneekin tartekatuko dira. Haizeak iparraldetik eta ipar-mendebaldetik joko du, eta termometroetan ez da ia gorabeherarik izango: beroenak 7-11 ºC artekoak izango dira.
2023/03/04
Larunbatean orduek aurrera egin ahala jasotzera egingo du. Goizaldean eta goizean goiz oraindik tarteka hodeitsu egongo da, batez ere Kantauri isurialdean eta mendebaldean, eta ez da baztertzen tarteka tantaren bat edo beste botatzea. Goiza aurrera joan ahala hodeiak eta ostarteak geratuko dira zeruan. Araba hegoaldean, eta Nafarroa erdialde eta hegoaldean, hasieratik larunbata eguzkitsua izango da. Haizea suabe ibiliko da, arratsaldean ipar-ekialdeko ukituarekin kostaldean. Tenperatura maximoek beste koska bat egingo dute gora, eta beroenak 9-13 ºC artekoak izango dira.
2023/03/05
Igandean eguraldia eguzkitsua izango da oro har. Kantauri isurialdean, batez ere kostaldetik gertu, behe-hodeien tarteak izango ditugu goizean eta gauean, eta erdialdeko orduetan zerua garbiago egongo da. Lurraldearen gainerako tokietan eguzkia gailenduko da, erdi mailako hodei eta goi-hodei batzuekin gauean, batez ere Araba eta Nafarroa hegoaldean. Haizeak hego ukitua izango du eta tenperatura igo egingo da; beroenak 13-15 ºC artekoak izango dira. Kostaldean brisa sartuko du erdialdeko orduetan.
Suscribirse a:
Entradas (Atom)