Zelaieta telebistako 103. saioa
2023-12-15
EGURALDIA
2023/12/15
Gaur atertuz joango da. Hala ere, eguneko ordu askotan hodeiak ugariak izango dira oraindik eta euria egingo du, batez ere ipar partean. Arratsaldetik aurrera atertzen joango da orokorrean, eta hegoaldean ostarte batzuk ere zabal litezke. Alabaina, baliteke kostaldean gauean ere euri pittin bat egitea. Iparraldeko haizea ibiliko da, atzo baino indar gutxiagorekin, eta tenperaturan ez da aldaketa handirik izango; orokorrean 10 ºC-ak gaindituko dira. Eguneko minimoak azken orduetan neurtuko dira.
2023/12/16
Larunbataren hasieran behe-hodei dezente izango dira, eta baita lanbroa ere. Orduak igaro hala, zenbait lekutan gehiago kostako zaion arren, altxatuz joango da eta giro eguzkitsua gailenduko da arratsaldean. Tenperatura maximoak aurreko egunekoen antzekoak izango dira. Minimoak, berriz, nabarmen jaitsiko dira eta azken orduetan neurtuko dira; baliteke gauean barnealdeko hainbat txokotan izotza botatzea. Haizea ahul eta aldakor ibiliko da, eta kostaldean ekialdekoa nagusituko da.
2023/12/17
Igandean giro eguzkitsua izango dugu, baina barnealdean izotza egingo du. Zerua hodei gutxirekin edo oskarbi egongo da, Ebro ibarrean izan ezik, izan ere han lainoa sortuko da eta baliteke egun osoan ez jasotzea. Ekialdeko haize ahula ibiliko da. Tenperatura minimoak jaitsi egingo dira eta barnealdeko leku askotan balio negatiboak izango dira. Kostaldeko tenperatura minimoak 3 eta 5 ºC artekoak izango dira. Tenperatura maximoetan ez da ia aldaketarik izango.
Suscribirse a:
Entradas (Atom)