2022/11/11
Egunaren lehenengo partean eguraldi eguzkitsua izango dugu ia denean; barnealdeko zenbait tokitan lainoa agertuko da eta kosta egingo zaio jasotzea. Hego-haizea indartu egingo da eta, horregatik, egunaren hasieran tenperatura baxua izan arren Kantauri isurialdeko maximoak 20 ºC-tik gorakoak izango dira; Mediterraneo isurialdekoak ez dira hainbeste igoko. Arratsaldean hego-ekialdean hodeiak pilatuz joango dira eta egunaren amaieran zerua hodeitsu geratuko da. Haize-bolada oso gogorrak espero dira, batez ere mendi inguruetan.
2022/11/12
Larunbatean zerua hodeitsuago egongo da, batez ere Mediterraneo isurialdean non noizean behin zaparradaren bat botako duen, bereziki ekialdean; gainerako tokietan giro eguzkitsuarekin jarraituko dute, nahiz eta zerua erabat garbi ez egon. Hegoaldeko haizea ibiliko da, indartsu, bolada gogorrekin eta oso gogorrekin. Zerua hodeitsuago egongo denez eta haizea bizi ibiliko denez, tenperatura minimoek nabarmen egingo dute gora; baliteke tenperatura maximoak ere gradu pare bat igotzea, baina batez ere Kantauri isurialdean
2022/11/13
Igandean giro eguzkitsua nagusituko da. Eguna ostarte zabalekin hasiko dugu eta baliteke lanbroa edo lainogune batzuk sortzea. Arratsaldetik aurrera erdi mailako hodei eta goi-hodei batzuk agertuko dira mendebaldean. Hegoaldeko haizeak larunbatean baino indar gutxiago izango du, baina hala ere tenperatura nahiko altuekin jarraituko dugu, bereziki Kantauri isurialdean non 20 ºC-ak gaindituko diren.
No hay comentarios:
Publicar un comentario
Idatzi hemen zure iritzia