ZELAIETA TELEBISTA 145.SAIOA
2025-12-19
EGURALDIA
2025-12-19
Gaur hodeiak eta euria nagusi. Fronte hotz batek lurraldea zeharkatuko du eta zerua estalita utziko du. Euria egingo du lurralde osoan, baina sarriago egingo du ipar partean. Haizeak hegoaldetik joko du lehenik, baina goizean zehar ipar-mendebaldera egingo du. Tenperaturak behera egingo du egunak aurrera egin ahala, batez ere Kantauri isurialdean, eta minimoak azken orduetan neurtuko dira.
Larunbatean eguraldiak hobera egingo du. Goizaldean oraindik euria egingo du ipar partean, baina goizean goiz atertzera egingo du. Gainerako orduetan, zerua hodeitsu egongo da, erdi mailako hodeiak eta goi-hodeiak nagusi, eta arratsaldean eta gauean ugaritu egingo dira. Hegoaldeko haizea ibiliko da eta gauean zakartu egingo da. Tenperatura maximoek gora egingo dute, bereziki ipar partean.
2025-12-21
Igandean tenperaturak behera egingo du. Goizean fronte batek prezipitazioa utziko du berriro, baina arratsaldean atertzera egingo du eta ostarteak zabalduko dira. Tenperatura nabarmen jaitsiko da eta elurra 900-1100 m-tik gora egin dezake. Mendebal/hego-mendebaldeko haizea ibiliko da.
2025-12-12
EGURALDIA
2025-12-12
Gaur, ostirala, hodeiak ugaritu egingo dira, betez ere mendebaldean. Ekialdean hodeiak eta ostarteak ikusiko ditugu; erdi mailako hodeiak eta goi-hodeiak nagusituko dira eta hodeitza nahiko saretuta iritsiko da. Mendebaldean hodei trinkoagoak agertuko dira, zerua hodeitsuago egongo da eta baliteke euri txikia egitea noizbehinka. Ebro ondoko eskualdeetan laino iraunkorra eta behe-hodeiak agertuko dira berriro. Egunaren hasieran hego-haizea bizia ibiliko da, arratsaldean indarra galduko du eta aldakor geratuko da. Tenperatura gutxi jaitsiko da.
2025-12-13
Larunbatean, oro har, giro eguzkitsua. Barnealdean, batez ere Arabako eta Nafarroako zenbait tokitan, behe-lainoa iraunkorra izan daiteke eta luze iraun dezake. Gainerakoan, hodei gutxi egongo da eta arratsaldetik aurrera behe-hodeiak edo lanbroa ager daiteke kostaldean. Tenperaturak gorabehera handirik gabe jarraituko du, maximoak igotzeko eta minimoak jaisteko joerarekin. Haize aldakorra ibiliko da, goizean hegoaldekoa nagusituko da eta arratsaldean iparraldekoa.
2025-12-14
Igandean giro argiarekin jarraituko dugu, hegoaldeko haizearekin. Arabako eta Nafarroako zenbait puntutan, batez ere, behe-lainoak luze iraun dezake, baina gainerako tokietan, ostarte zabalak izango ditugu egunaren zatirik handienean, eta arratsalde-gauean hegoaldetik hodeiak sartuko dira. Tenperatura maximoek gorabehera handirik gabe jarraituko dute egunsenti nahiko hotz baten ondoren. Arratsalde-gauean haizeak indarra hartuko du.
2025-12-05
EGURALDIA
2025-12-05
Gaur, ostirala, eguerditik aurrera eguraldia atseginagoa eta epelagoa izango da. Goizak aurrera egin ahala, mendebaldetik hasi eta ekialderantz, atertzera egingo du. Hala ere, arratsalde-gau partean Kantauri isurialdean han-hemenka euri pixka bat egin dezake. Goizean haizeak hego-mendebaldera eta tenperatura igo egingo da, bereziki ipar partean.
2025-12-06
Larunbatean tenperaturak goranzko bidean jarraituko du eta eguraldia lasaiagoa izango da. Hodeiak urdingune batzuekin tartekatuko dira eta oro har ateri eutsiko dio, hala ere, goizean oraindik hodeiek tantaren bat utz dezakete kostaldetik hurbil. Hego-mendebaldeko haizea nagusituko da eta tenperatura maximoak epelagoak izango dira, bereziki Kantauri isurialdean.
2025-12-07
Igandean giro argia eta epela izango da. Ostarte oso zabalak agertuko dira eta ateri eutsiko dio. Hala ere, goizean barnealdeko bailaretan lainoa sortuko da eta Arabako eta Nafarroako zenbait lekutan iraunkorra izan daiteke. Hego-mendebaldeko haizea ibiliko da eta tenperatura maximoak Kantauri isurialdean 17-19 ºC-ra hurbilduko dira, gainerakoan 15ºC-ak gaindituko dira.
2025-11-28
EGURALDIA
2025-11-28
Gaur giroa eguzkitsua izango da. Egunsentiko behe-lainoak desegin ostean, erdi mailako hodei eta goi-hodei batzuk agertuko dira, baina traba handirik egingo ez dutenez, giroa eguzkitsua izango da. Arabako Lautadan ordea, baliteke behe-lainoa ez jasotzea arratsaldera arte eta giroa hotza izango da. Gainerako lekuetan, ordea, atzo baino gehiago igoko da tenperatura eta maximoak ipar partean 14 edo 15 gradura gerturatuko dira eta hegoaldean 12-13 gradu ingurukoak izango dira.
2025-11-29
Larunbatean urdingune zabalak arratsaldera erdira arte eta iluntzetik aurrera euritara joko du. Goizaldeko behe-lainoa desegin ostean, goizean eta arratsaldeko lehen orduetan ostarteak nagusituko dira eta hego-mendebaldeko haizearekin giroa nahiko epela izango da, batez ere ipar partean. Alabaina, arratsaldeak aurrera egin ahala, fronte bat iritsiko da eta haizea ipar-mendebaldera aldatuko da eta eguraldia aldatzen hasiko da; zerua estali egingo da, tenperaturak behera egingo du eta euria hasiko du. Gauean euria denera zabalduko da.
2025-11-30
Igandean tenperaturak behera egingo du eta zaparradak botako ditu. Goizean zerua estalita egongo da eta zaparradak botako ditu, batez ere Kantauri isurialdean. Trumoi-ekaitzak jo dezake eta txingorra egin dezake. Arratsaldeak aurrera egin ahala, zaparradak gero eta ahulagoak eta tartekatuagoak izango dira eta atertuz joango da. Ipar-mendebaldeko haizea ibiliko da eta tenperaturak behera egingo du; minimoak egunaren amaieran neurtuko dira. Elur-kota 1300-1500 m artean kokatuko da.
2025-11-21
EGURALDIA
2025-11-21
Ostiralean denboralea unerik gorenera iritsiko da. Prezipitazioa ugaria izango da ipar partean eta hegoaldera tartekatuagoak iritsiko dira. Arratsaldetik aurrera atertzen hasiko da. Egunaren lehen partean ekaitzak jo dezake oraindik Kantauri aldean. Elur-kota 400-500 m inguruan ibiliko da, beherago zuritu dezake ere ekialdean. Arratsaldean zehar gero eta gorago egingo du. Tenperatura hotza izango da, maximoak 10 °C-tik beherakoak oro har, eta izotza egingo du barnealdean. Haizeak indarra galduko du egunaren amaieran.
2025-11-22
Larunbatean eguraldia lasaitu egingo da nabarmen. Oraindik zaparrada txiki batzuk bota ditzake goizaldean, eta elur-kota 800 m inguruan ibiliko da. Baina arratsaldeko azken orduetara arte itxaron beharko da euria berriro ere ikusteko. Euri txikia izango da baina etengabe egin dezake, hori bai, jada elur-kota 1.500 metrotik gorakoa izango da. Hego-mendebaldeko haizea ibiliko da eta azken orduetan zakartu egingo da kostaldean. Tenperatura minimoak jaitsi egingo dira eta izotza toki askotan botako du; maximoak pixka bat igoko dira, baina ez da nahikoa izango hotz sentsazioa baztertzeko.
2025-11-23
Tenperaturak gorantz jarraituko du igandean, eta maximoak 15-16 ºC-ra iritsiko dira kostaldetik gertu, hegoaldeko haizeari esker. Minimoek ere gora egingo dute eta izotza toki gutxiagotan egingo du. Goizaldean eta gauean euri txikia egin dezake, baina gainerako orduetan ateri eutsiko dio, nahiz eta lainotuta egon.
2025-11-14
EGURALDIA
2025-11-14
Goizaldean eta goizeko lehen orduetan izandako haize zakarraren ostean, goizak aurrera egin ahala haizeak indarra galduko du eta, ondorioz, ez da hain ezatsegina izango. Zeruan erdi mailako hodeiak eta goi-hodeiak nagusituko dira, ostarte batzuekin. Goizean goiz, zaparrada-lerro baten ondorioz, euria egingo du, baina azkar atertuko du eta eguneko ordu gehienetan ateri eutsiko dio. Gauean berriz ere euritara jo dezake, bereziki barnealdean. Tenperatura maximoak apur bat jaitsiko dira iparraldean, eta hegoaldean zertxobait igo litezke.
2025-11-15
Larunbatean, arratsaldetik aurrera, hodeiak ugaritu egingo dira eta haizeak hegoaldetik joko du. Goizean eta eguerdi partean giroa nahiko argia izango da, erdi mailako hodeiekin eta goi-hodeiekin. Arratsaldetik aurrera hodeiak ugaritu eta, gauean bereziki, euritara joko du, barnealdean batez ere. Hego-haizea ibiliko da egun osoan; goizean oraindik ere indartsu ibiliko da, baina arratsaldean indarra galduko du. Tenperatura maximoak zertxobait jaitsiko dira.
2025-11-16
Igandean hodeiak eta ostarteak izango ditugu zeruan eta ordu askotan ateri eutsiko dio. Hala ere, une batzuetan hodei trinkoagoak agertu eta zaparradaren bat edo beste egin dezake. Hegoaldeko haizea ibiliko da, baina indar handirik gabe, eta arratsaldean haizeak mendebaldera egingo du. Tenperatura maximoak apur bat jaitsiko dira.
2025-11-07
EGURALDIA
2025/11/7
Hego haizearekin goizean fronte bat iritsiko da eta arratsaldean beste bat. Goizean fronte bero batek hodei ugari eta euri txikia utziko ditu. Arratsaldean, ordea, fronte hotz bat igaroko da eta orduan zaparradak mardulagoak izango dira eta baliteke trumoi-ekaitzak jotzea lekuren batean. Haizeak hego-mendebaldetik joko du, bolada gogorrekin, batez ere haizeguneetan; egunaren amaieran mendebaldera egingo du. Tenperatura maximoak aurreko eguneko maila berdintsuan geldituko dira, 14-18 ºC artean.
2025/11/8
Larunbat goibela eta euritsua ipar partean. Kantauri isurialdean zaparrada mardulak botako ditu, eta baliteke trumoitsuak izatea; egunaren amaieran atertzera egingo du. Hegoaldean eguraldi euritsuarekin emango diogu hasiera egunari, baina eguerdirako, oro har, atertuz joango da eta ostarteak zabalduko dira, batez ere Ebro ibarrean. Ipar-mendebaldeko haizea bizi ibiliko da, eta ziertzoa gogor ibiliko da Ebro bailaran. Tenperatura maximoak gradu pare bat jaitsiko dira.
2025/11/9
Eguraldi egonkorra eta atsegina igandean. Atertu egingo du eta haizea baretu egingo da eta hegoaldetik ahul joko du; goizaldean euri zarrastaren bat egin dezake ipar-ekialdean, gauza gutxi. Egunsentiko lainoa desegin ostean, goizean urdingune zabalak nagusituko dira eta arratsaldean erdi mailako hodeiak eta goi-hodeiak ugarituko dira. Goizean goiz giroa hotza izango da, eta Araba eta Nafarroako zenbait lekutan izotza egin dezake; tenperatura maximoak, berriz, igo egingo dira.
2025-10-31
EGURALDIA
2025-10-31
Ostiralean ostegunean baino hodei gehiago izango dugu. Erdi mailako hodeiak, goi-hodeiak eta ostarteak tartekatuko dira. Hodeitza mendebaldean pilatuko da batik bat, eta ez da baztertzen tanta batzuk egitea goizea; arratsaldean euria egiteko probabilitatea handiagoa da eta zaparrada mardulagoren bat egin dezake. Hego-mendebaldeko haizea ibiliko da eta gogor joko du, bolada oso gogorrekin haizeguneetan, bereziki egunaren amaieran eta mendebaldean. Tenperaturan ez da gorabehera handirik izango.
2025-11-1
Larunbatean fronte batek eragingo digu. Goizean hego-mendebaldeko haizea harro ibiliko da eta ia ez du euririk egingo. Arratsaldean, ordea, haizeak mendebal/ipar-mendebaldera egingo du eta euria hasiko du. Euria, gehienbat, mendebaldean egingo du eta zaparrada mardulago batzuk bota ditzake. Tenperatura maximoetan ez da aldaketa handirik izango, baina arratsaldean haizeak ipar-mendebaldera egiten duenean freskatu egingo du.
2025-11-2
2025-10-24
EGURALDIA
2025/10/24
Gaur eguraldi aldakorra espero da, tarte eguzkitsu eta hodeitsuekin. Goizean giro eguzkitsua nagusituko da oro har. Arratsaldean, berriz, goi-hodeiak eta erdi mailako hodeiak agertuko dira, eta euri pixka bat egin lezake, batez ere gauean eta barnealdean, baina ordurik gehienetan ateri egongo da. Haizea hego-mendebaldetik ibiliko da lehen orduetan, eta arratsaldean ipar eta ipar-mendebaldera aldatuko da. Tenperatura maximoak antzera jarraituko dute edo apur bat jaitsiko dira, bereziki Kantauri isurialdean.
2025/10/25
Larunbatean eguraldia ezegonkorragoa izango da, hodei ugarirekin eta tenperatura maximoen jaitsiera nabarmenarekin. Hodeiak nagusituko dira zeruan eta euria egingo du, batez ere egunaren bigarren partean eta barnealdean. Haizeak mendebal/hego-mendebaldetik joko du hasieran, baina egunak aurrera egin ahala ipar-mendebaldera egingo du. Tenperatura minimoak zertxobait epelagoak izango dira, baina maximoek behera egingo dute nabarmen, eta barnealdeko hainbat tokitan ez dira 15 ºC-ra iritsiko.
2025/10/26
Igandean eguraldi fresko eta hezea izango dugu. Egunaren zati handi batean lainotuta egongo da. Ipar-osagaiko haizea ibiliko da eta kostaldetan tarteka enbarazu egingo du. Hodeiek euria utziko dute; barnealdean euri txikia egingo du, baina kostaldean tarteka mardul egingo du eta orokorrean euria ugariagoa izango da. Tenperatura maximoak 12-14 ºC inguruan geldituko dira barnealdean, eta kostaldean 15 ºC-en bueltakoak izango dira.
2025-10-10
2025-06-20
2025-05-23
EGURALDIA
2025/05/23
Egunsenti goibel eta umelaren ostean, arratsaldean argitzera egingo du. Goizean behe-hodeiak nagusituko dira eta ez da baztertzen euri txikia edo zirimiri pixka bat egitea, batez ere Kantauri isurialdean. Arratsaldean, ordea, atertu eta hodeitza saretzen hasiko da; ostarte zabalak ikusiko ditugu leku askotan eta hegoaldean eguzkitsu egongo da. Tenperatura maximoak 17-20 ºC artekoak izango dira eta ipar-mendebaldeko haize fina ibiliko da, batez ere arratsaldean eta barnealdean, bereziki Nafarroan.
2025/05/24
Larunbatean itxura polita hartuko du eguraldiak eta tenperaturak apur bat gora egingo du. Goizaldean behe-lainoa sor daiteke eta Kantauri isurialdeko hainbat bailaratan behe-hodei dezenterekin esnatuko da eguna, batez ere ekialdean. Alabaina, goizean hodeitza saretuz joango da, eguzkitsu gelditu arte. Haizea ahul ibiliko da eta eguerditik aurrera ipar ukitua hartuko du. Tenperatura maximoak 18-22 ºC artekoak izango dira.
2025/05/25
Goizean udaberriko giro dotorea, arratsaldeak aurrera egin ahala hodeiak ugarituz. Egunsentiko behe-lainoa desegin ostean, eguzkitsu egongo da, goi-hodeien zertzelada batzuekin. Arratsaldean, ordea, ipar-mendebaldeko haizearekin hodeitza sartuz joango da mendebaldetik eta iluntzerako zerua lainotuta geldituko da; baliteke zaparradaren bat botatzea. Tenperatura maximoak, oro har, 18-22 ºC artekoak izango dira eta Ebro ibarrean zertxobait altuagoak.
2025-05-09
2025-04-11
EGURALDIA
2025/04/11
Gaur hego-ekialdeko haizea ibiliko da, goizean ostarteak izango dira eta arratsaldean ezegonkortzera egingo du. Goizean giroa lasaia izango da; ostarte zabalak izango dira eta tenperatura 23-24 ºC ingurura igoko da kostaldean eta 18-20 ºC-ra lurraldearen erdialde eta hegoaldean. Arratsaldeak aurrera egin ahala, hodeiak ugarituz joango dira eta zaparrada batzuk egingo ditu, ekaitzen bat baztertu gabe; probabilitatea handiagoa izango da barnealdean. Goizean goiz behe-lainoa sor daiteke hegoaldean, batez ere Ebro ibarrean.
2025/04/12
Larunbatean hodeiak eta urdinguneak tartekatuko dira goizean, eta ekaitz-giroa nagusituko da arratsaldean. Goiza nahiko lasaia izango da, ostarteak eta hegoaldeko haizea izango ditugu, eta tenperatura 19-22 ºC inguruan ibiliko da. Hala ere, ez dugu baztertzen zaparradaren bat edo beste egitea. Arratsaldean egoera aldatu egingo da: haizea iparraldetik finkatuko da, hodeiak eta ezegonkortasuna areagotu egingo dira eta zaparradak botako ditu nonahi; hainbat lekutan zaparradak trumoitsuak izango dira. Horrekin batera, freskatzera egingo du.
2025/04/13
Igandean giro motela espero dugu. Haizeak iparraldetik eta ipar-mendebaldetik joko du, indar handirik gabe, eta tenperaturak behera egingo du lurralde osoan. Zerua estalita egongo da egunaren zati handi batean eta zaparradak botako ditu eguneko edozein momentutan.
2025-03-21
EGURALDIA
2025/03/21
Gaur ostarte txikiak goizean eta arratsaldean hodeituago. Goizean goiz giroa oraindik ezegonkorra izango da eta zaparrada batzuk egin ditzake, baina segituan joko du atertzera eta ostarte zabalak irekiko dira. Arratsaldean hodeiak ugaritu egingo dira. Ez da baztertzen egunean zehar zaparrada txiki batzuk egitea noizbehinka, bereziki barnealdean. Hego-osagaiko haizea ibiliko da, baina ez da atzo bezain zakarra izango eta ia ez da egongo aldaketarik tenperatura maximoetan. Giro epela.
2025/03/22
Larunbatean haizearen norabide aldaketa, euria eta tenperaturaren jaitsiera. Eguna hego-mendebaldeko haize harroarekin eta tenperatura suabeekin hasiko dugu, izan ere, eguneko tenperatura altuenak goizean neurtuko dira. Eguerdi inguruan haizeak mendebal/ipar-mendebaldera egingo du eta horrek aldaketa nabarmenak ekarriko ditu: zerua estali, euria eta zaparradak egingo ditu leku askotan eta tenperatura jaisten hasiko da. Arratsaldean eta gauean elur-kota 1200-1400 m ingurura jaits daiteke.
2025/03/23
Igandean hodei asko, euria eta tenperaturaren jaitsiera txikia. Maximoak 13-14 ºC ingurukoak izango dira kostaldetik gertu, eta nekez iritsiko dira 10 ºC-ra lurraldearen erdialdean eta hegoaldean. Haizeak mendebaldetik joko du goizean eta ipar-mendebaldetik arratsaldean. Goizaldean zaila izango da euria egitea eta hodeitza saretuta egongo da, baina goizean oso bizkor ugarituko dira hodeiak. Goizean hasiko du euria, baina arratsaldean euria leku gehiagotan egingo du. Dena den, euri gehien Kantauri isurialdean pilatuko da. Elur-kota 1100-1300 m inguruan egongo da.
2025-03-14
EGURALDIA
2025/03/14
Giroa hotzagoa izango da. Tenperatura maximoak, oro har, 5 eta 8 ºC artetik ez dira pasako eta ipar edo ipar-ekialdeko haize finak hotza areagotuko du. Giro ezegonkorrak jarraipena izango du eta tarteka zaparradak botako ditu, batez ere ipar partean eta bereziki Bizkaian eta Araba ipar-mendebaldean. Gainerako lekuetan, eta bereziki ekialdean, hodeitza zulatuago egongo da. Elur-kota 600-800 m artean kokatu daiteke eta eguerdi partean 700-900 m-ra igoko da.
2025/03/15
Giro hotz eta ezegonkorrak jarraipena izango du. Tenperaturak ostiraleko balio berdintsuetan geldituko dira eta elur-kota 600-800 m artean kokatuko da, baina goizaldean baliteke zertxobait gehiago jaistea; eguerdi partean gorago egongo da. Tarteka zaparradak botatzen jarraituko du, batez ere Kantauri isurialdean eta hegoaldean giroa argiagoa izango da, batez ere Nafarroan. Haizea ipar-mendebaldetik ibiliko da. Barnealdeko hainbat lekutan eta mendi inguruetan izotza egin dezake.
2025/03/16
Igandean prezipitazioak urriak izango dira eta giroa argiagoa izango da. Goizaldean Kantauri isurialdean han-hemenka prezipitazio txikia egin dezake eta egunaren amaieran hegoaldetik sartuko den hodeitzak euri pixka bat utzi dezake barnealdean. Gainerako orduetan, ordea, ateri egongo da eta hodeiak eta urdinguneak tartekatuko dira. Goizaldean giroa hotza izango da eta barnealdeko leku askotan izotza egin dezake; elur-kota, berriz, 600-800 m artean kokatuko da eta goizean igo egingo da. Tenperatura maximoek gora egingo dute.
Suscribirse a:
Comentarios (Atom)